Poem: Gayuma

scanscuri@gmail.com (fmpsp) — Tue, 16 Jun 2026 00:00:00 +0000

Gayuma

Hindi makaalis, ang puso ng mata
Diretso sa bula, diretso sa bula
Wag na magtiis, ang ulo mo’y wala
Walang magagawa, walang magagawa

Hindi salamangka, ikaw nagsimula
Naligo sa batis, biglang wala ka na
Sa ulap ang mata, saan ka pumunta?
Diretso, sa nais, walang wala ka na

Walang wala ka na, mula taas-baba
Mula taas-baba, patuloy ang wala
Sarili’y inipon, inalay sa iba
Sarili’y nalais, napagsamantala

scanscuri@gmail.com (fmpsp) — Thu, 04 Jun 2026 00:00:00 +0000

Namumutlang damdamin
Katawang tuyong tuyo
Mamaya ay iisipin
Ang ngayo’y hindi buo

Orasang walang kamay
Kapalaran hinayaan
Sasakyang walang sakay
Ang sarili babayaran

Hinihigop na ang pawis
“Walang bawas, walang labis”
Ang kamay makasarili
Pawang nawalang langis

Ang hinaharap ngayon
Talikod na panahon
Bababa nalang sa kanto
Ang dereyalisasyon